[電影] 飢餓遊戲2:星火燎原/The Hunger Games:Catching Fire

承接上集, Katniss同Peeta在遊戲中得到勝利,而呢一個勝利係唔係就係佢地取得生存機會咁簡單呢?在遊戲中勝利後,佢地既世界再唔係只有佢同佢家人,朋友,佢既私生活就等於係所有人民既話題!係呢度,令我不禁想起被狗仔隊追捕既名人,記得台灣有周杰倫唔中意狗仔隊,特登作左首歌叫”四面楚歌”比狗仔隊們,落車用手遮住狗仔隊相機鏡頭, 亦令我諗起英國王妃戴安娜為左避開傳媒記者而發生交通意外死亡。

而鏡頭上既Katniss要帶上假面具做人,虛假地宣讀致辭,同Peeta去演戲扮熱戀中既情侶。Katniss同Peeta既勝利同呢個HUNGER GAMES不經不覺已經令更多其他區既人不憤而引發暴亂,雖然佢好想為上集死者而衷心致辭,但係效果會係煽動戰爭,令到更多無辜受害。佢地兩個再無法返去做一個平凡人,因為咁,佢地漸漸明白點解Haymitch(教練)成日用酒麻醉自己。好可惜,個性衝動既Katniss因為佢率直的行為被President 點名,叫遊戲設計師Plutarch Heavensbee整死Katniss。佢地亦被迫成為第二次既飢餓遊戲主角。

Jennifer Lawrence將Katniss呢個角色表現得好好,衝動,唔會掩蓋自己想法既一個人,亦都演譯到佢內心激動,好不憤但又知道自己無能為力既情緒。另外,劇情既設計環繞著Katniss,不斷去精神折磨Katniss,而Katniss對遊戲設計師Plutarch Heavensbeea既不滿所做出既行為,令人拍好叫絕,同時非常能夠牽動觀眾既情緒。

 

結局係點?當然..主角丫嘛..梗係冇死到啦最後!! 呢個精彩既部分就等你地自己入場睇啦!!

 

Leave a Reply

Your email address will not be published. Required fields are marked *