【電視】韓國熱播綜藝-RUNNING MAN

 

呢幾年香港人都迷上左韓國, 無論係韓國當地文化,食物之外, 韓星同韓劇都o係香港好出眾, 今日就想講下呢個而家好HIT, 就連香港既DJ, 明星都好中意睇既既韓國綜藝節目- RUNNING MAN.. 

究竟係咪真係因為而家走韓風, 只要韓國出品, 都會叫好叫座呢? 其實又唔係喎, 唔講每次都會請D好強勁既嘉賓, 最近就有G-DRAGON, 以前又有朴智星啦! 7位主持各有特色, 又夠抵死,有時有夠蠢, 鬥奸, 做埋KAI野令觀眾笑到喊之外, 其實你地仔細留意下..RUNNING MAN入面既每一個GAMES 都係好獨特同好創新, 相信一班幕後班底用左唔少時間去諗GAMES, 試GAMES 再修改GAMES, 我唔稱得上係RUNNING MAN既DIE HARD FANS, 但係製作同佢地既創意令人佩服喇!

就好似..上面幅圖, 個陣應該係全球播映AVENGERS復仇者聯盟, 為左配合返, 製作組為佢地每一個安排成為AVENGERS入面既主角, 就好似IRON MAN, 雷神, 蜘蛛俠, 美國隊長, 貓女俠, 綠巨人, 鷹眼, 係玩遊戲當中每個人都有著唔同既角色, 再比佢地有唔同既超能力 去輔助佢地係遊戲中獲勝!佢地諗出黎既games令到個個觀眾都好似有份去玩埋一份!! (>v<) 佢地呢種創意真係冇得輸! 呢集係幾時出就唔多記得喇 (好似係2013年.. 大家慢慢搵返黎睇啦! ) 最後, 大家係睇RUNNING MAN睇下靚仔嘉賓之餘, 不妨都欣賞下幕後既一組人員佢地既一番創意同心機啦  (今晚又出RUNNING MAN啦喎!!!!)

Edited By 22nd September, 2013

Leave a Reply

Your email address will not be published. Required fields are marked *