【電影】救火英雄/As The Light Goes Out

 



香港電影多數都係由警匪片為主導,二零一三年的《逃出生天》講述消防員,二零一四年就有由余文樂,任達華,胡軍同謝霆鋒主演既《救火英雄》。但今次想講並唔係故事內容同拍攝手法。而係呢套電影所帶出既一些社會同生活現象。



你可能會覺得每個故事都大同小異,只係人物不同,而故事都係帶出消防員怎樣英勇地把人救出。但呢個故事主要係用濃煙形容為心魔每人心中不同的恐懼同陰影。這些心中的恐懼(濃煙)會掩蓋你面前既道路,令你不知所措,好迷失,唔知面前既路應該點行。又或者你係這個位置曾經犯過錯唔知道應該點樣從呢個位置中重新爬起來。而謝霆鋒既陰影就係一年前既判斷失誤,對自己的判斷欠缺信心。不過只要認清方向,不要慌,就能克服心魔。當戰勝這些恐懼後就能夠更有自信面對迎來的挑戰。而以濃煙比喻為心魔同恐懼確實十分貼切,而在我們生命中,卻有好多心中的恐懼和陰影令我們原地踏步。

另外必須一提的是《救火英雄》中也呈現了一個社會現象- 被上司壓迫。而這點亦令小編留下深刻印象(可能有同樣既感受吧,哈哈)。就好似謝霆鋒既上司,不斷地對謝霆鋒施壓,質疑謝霆鋒既工作能力,而飾演謝霆鋒上司既安志杰對處長恭恭敬敬但對同下屬尖酸刻薄,將一個衰衰格格的上司表現得十分出色。另外,到發生停電時,電力公司高層萬華標(譚耀文飾)都有提及到老闆落order落黎,你不得不跟從上司的指令,某程度展現了上司壓迫下屬的那種壓力,正如「你有壓力,我都有壓力」。

最後佢地影相一幕留左空間比觀眾去發揮。當閃光燈一閃個刻,謝霆鋒出現係余文樂隔離,如果你留意,枱上有兩頂消防帽(代表任達華及謝霆鋒之上司),咁謝霆鋒有冇死到?呢個就留返觀眾自己去諗喇。